رواية الدنيا

شفت طفلة بظفيرة تقرى في رواية حزينة..


بطلها مات وخلا البطلة تعاني من ظلم الاشرار..


تضحك مرة ومرة تخبي دمعة..


...


يا طفلة يامسكينة .. الدنيا اكبر رواية..


فيها الخير والشر ..المحبة والكره..


الدنيا صفحات طويلة..

احنا نمثلو وساعات يمثلو علينا..

نفرحو بيها و ساعات تبكينا..

وتتعدى الصفحات..

صفحة ورا صفحة ..

نكبرو في كل سطر ..

سطر يخوف وسطر يهني ..

وتوفى الرواية مع اخر صفحة مثلت فيها ..


يوفا دورك من غير ما تعرف اذا كنت فيها البطل ولا فما شكون مثل عليك دور البطولة ..
يتسكر كتابك وتبدا الدنيا تكتب في رواية جديدة لممثلين جدد..